Үндсэн агуулга руу шилжих

Ангилал

…

Шинэ ирсэн

    Хэмжих заавар

    Шинэчилсэн: 2026.10.01

    Том тавилга захиалахаасаа өмнө хоёр зүйлийг шалгаарай: өрөөндөө багтах эсэх, мөн орц, лифт, шат, хаалгаар дамжин гэрт тань орох эсэх. Барааны хуудсанд хэмжээг өргөн × гүн × өндөр дарааллаар сантиметрээр бичсэн байгаа.

    Юу бэлдэх вэ

    Туузан метр, цаас, үзэг. Бүх хэмжилтийг сантиметрээр тэмдэглэнэ.

    1. Өрөөгөө хэмжих

    • Тавилга байрлуулах хананы урт, өрөөний өргөнийг хэмжинэ.
    • Цонх, радиатор, розетк, хаалга онгойх зайг тэмдэглэнэ.
    • Тавилганы эргэн тойронд явах зай үлдээнэ: гол явах замд 80–90 см орчим.

    2. Орох замаа хэмжих

    Тавилга гэрт тань хүртэл дамжин өнгөрөх бүх нарийн газрыг хэмжинэ: орцны хаалга, лифт, шатны хонгил, коридор, өрөөний хаалга.

    • Хаалга: хаалганы жаазны дотор талын өргөн, өндрийг хэмжинэ. Бариул, нугас зайг багасгадаг тул хамгийн нарийн хэсгийг нь авна.
    • Лифт: хаалганы өргөн, өндөр, мөн лифтний дотор талын өргөн, гүн, өндрийг хэмжинэ. Урт барааг ихэвчлэн босоо байдлаар оруулдаг тул лифтний доод булангаас эсрэг талын дээд булан хүртэлх зайг хэмжих нь тустай.
    • Шат, коридор: хамгийн нарийн хэсгийн өргөн, хамгийн намхан таазны өндөр, эргэлтийн булан дахь зайг хэмжинэ.

    3. Тавилгатайгаа харьцуулах

    Тавилгыг ихэвчлэн хажуулдан оруулдаг. Тиймээс барааны гүн эсвэл өндрийн аль бага нь хаалганы өргөнөөс дор хаяж 3–5 см бага байвал тохиромжтой. Буйдан, орны хөл ихэнхдээ салдаг тул хөлгүй хэмжээг биднээс асууж болно.

    Эргэлзвэл бидэнтэй холбогдоорой

    Хэмжилт болон орох замынхаа зургийг Instagram @myger.mn хаягаар илгээх эсвэл 8606 1992 дугаарт залгавал бид барааны яг хэмжээтэй тулгаж хэлж өгнө.

    Асуух зүйл байна уу? Манай ажилтан утсаар болон Instagram-аар хариулна.